(Song-6)
అతిసుందరుడవు యేసయ్య -
మనోహరుడవు నీవయ్యా ||2||
యదార్ధవంతుల సభలో పరిశుద్దులతో -
కలసి నిను ఆరాధించెదను ||2||
హల్లెలూయా హల్లెలూయా -
హోసన్నా ఆరాధన ||2||
1.నీ సన్నిధిలో సంపూర్ణమైన -
సంతోషము కలదు
కృపాక్షేమముతో నీ మందిరములు -
సమృద్ధిగా కలవు ||2||
నే దీనుడనై నీ సన్నిధిని -
అనుభవించెదను ||2||
పరవశించి పరవళ్ళుత్రొక్కి -
ఆరాధించెదను ||2||
||అతిసుందరుడవు||
2. అమూల్యమైన వాగ్దానములు -
అనుగ్రహించావు
అత్యధికముగా ఆశీర్వదించి -
హెచ్చించియున్నావు ||2||
విశ్వసముతో ఓర్పుకలిగి
వాగ్దానమునే - పొందెదను ||2||
సంపూర్ణతకై పరిశుద్దుడనై -
ఆరాధించెదను ||2||
||అతిసుందరుడవు||
3. మహారాజువై సీయోనులో -
ఏలుచున్నావు
పునాదులు గల పట్టణమును -
కట్టుచున్నావు ||2||
సౌందర్యముగల సీయోనులో -
ప్రకాశించుచున్నావు ||2||
నీ మహిమనుపొంది నీ ధరిచేరి -
ఆరాధించెదను ||2||
||అతిసుందరుడవు||
ఆరాధనకు నీవే యోగ్యుడవు -
స్తుతులకు నీవే పాత్రుడవు ||2||
అతి సుందరుడా - మనోహరుడా ||2||
|| అతిసుందరుడవు||